Belarýsta aqyly avtojoldarǵa tarıf belgilendi
ASTANA. 25 qańtar. QazAqparat - Belarýs Respýblıkasynda Kólik jáne kommýnıkatsııa mınıstrliginiń qaýlysymen aqyly joldarda kólik quraldaryna tólem tóleý tarıfteri belilendi, dep habarlady AGT-Belarýs kommýnıkatsııalyq agenttigi.
Avtomobıl kólik quraldarynyń ár túrine tehnıkalyq jol berilgen jalpy salmaǵyna qaraı aqy tóleý kózdelgen. Máselen, jeńil kólikterge 0,04 eýro/shaqyrym; eki bilikti júk avtomashınalaryna 0,08 eýro/shaqyrym; 3 bilikti - júk mashınalary men avtobýstarǵa - 0,10, 4 jáne odan da kóp bilikti jáne salmaǵy 3,5 tonnadan asatyn júk mashınalaryna 0,12 eýro/shaqyrym aqy tóleý belgilendi.
Keden odaǵyna kiretin elderdiń salmaǵy 3,5 tonnadan tómen avtokólikteri aqy tóleýden bosatylady. Sondaı-aq Belarýsta tirkelgen mopedter men mototsıklder, dońǵalaqty traktorlar men ózdiginen júretin mashınalar, qorǵanysty qamtamasyz etetin jáne jedel qyzmet uıymdarynyń, qoǵamdyq tártip qorǵaý mekemeleriniń avtoquraldary, jol baǵdarlaryndaǵy jolaýshylar tasymaldaıtyn kólikter mundaı tólemderden bosatylady.
Kapsch jáne Belarýs Respýblıkasy arasynda jasalǵan ınvestıtsııalyq shartqa sáıkes, «BelToll»saýda markasymen aqy tóleý júıesi 2013 jyldyń 1 shildesinen bastap alǵashqy kezeńde M1/E30 (Brest-Mınsk-Rossııskoı Federatsııasynyń shekarasy) kúre jolynda qoldanyla bastaıdy. Odan keıin respýblıka ishindegi basqa joldarda kezeń-kezeńimen júzege asyrylady.
