Belarýs ıÝNESKO-nyń atqarýshy keńesiniń quramyna saılandy

ASTANA. QazAqparat - Belarýs ıÝNESKO-nyń atqarýshy keńesiniń quramyna saılandy, dep habarlaıdy BELTA Belarýstiń Frantsııadaǵy elshiligine silteme jasap.

Parıjde 30 qazanda bastalǵan ıÝNESKO Bas konferentsııasynyń 39-sessııasy 14 qarashaǵa deıin jalǵasady. Belarýske uıymǵa múshe memleketterdiń kópshiligi qoldaý kórsetken. Belarýstiń Frantsııadaǵy elshisi, Belarýstiń ıÝNESKO janyndaǵy turaqty ókili Pavel Latýshko saılaý aldynda sóılegen sózinde respýblıkaǵa materıaldyq jáne materıaldyq emes murany, mádenı áralýandylyqty saqtaý men nasıhattaý boıynsha meılinshe qoldaý kórsetilip otyrǵanyna, ıÝNESKO-nyń ǵylymı baǵdarlamalary boıynsha yntymaqtastyqqa rızashylyq bildirdi. Pavel Latýshko Atqarýshy keńestiń múshesi bola otyryp, Belarýs ıÝNESKO-nyń rólin arttyrý isine belsendi qatysýǵa nıetti ekenin tilge tıek etip, uıymmen, sondaı-aq oǵan múshe memlekettermen tyǵyz yntymaqtastyq jasaıtynyn aıtty.