Belarýs usaq kýpıýralardy aınalymnan shyǵarady: olardy basyp shyǵarý qymbatqa túsýde
ASTANA. 2012 jylǵy birinshi qyrkúıekten bastap Belarýsta 2000 jylǵy úlgidegi nomınaly 10 jáne 20 rýbldik banknottardy shyǵarý toqtatylady, dep habarlady RBK.
«Bul sheshim olardy daıarlaýǵa jumsalatyn memleket shyǵyndaryn qysqarý maqsatynda, olardyń qolma-qol aqsha aınalymyndaǵy qajetsizdiginen týyndap otyr», - delingen eldiń Ulttyq bankiniń aqparat basqarmasynyń habarlamasynda.
2000 jylǵy úlgidegi 10 jáne 20 belarýs rýblderi nomınalynyń banknottary 2013 jylǵy 28 aqpanǵa deıin aınalysta júredi. Osy merzim aıaqtalǵannan keıin usaq kýpıýralardy komıssııalyq alymsyz iri aqshaǵa aıyrbastaýǵa bolady. 2014 jylǵy 31 naýryzǵa deıin ony eldiń barlyq nesıe mekemelerinde, al odan keıin - Ulttyq bankte ǵana júrgizýge bolady.
2011 jylǵy qarjy daǵdarysy Belarýsta jergilikti valıýtany úsh ese devalvatsııaǵa ushyratty. Usaq kýpıýralardy basyp shyǵarý olardyń óz qunynan asyp ketetin boldy. Budan basqa, elde aqsha massasy shamadan tys kóp bolýy esep aıyrysýda qıyndyqtardy týyndatty.
2012 jyldyń basynda 200 myń rýbldik jańa kýpıýranyń aınalymǵa shyǵarylatyny belgili boldy. Sol kezde usaq banknotty aınalymnan shyǵarý týraly sheshim jarııalandy.
