Belarýs týrnırinde qazaq palýandary eki «altyn», «kúmis» jáne «qola» medal enshiledi
ASTANA. 18 qyrkúıek. QazAqparat - Belarýs týrnırinde qazaq palýandary eki «altyn», «kúmis» jáne «qola» medal jeńip aldy,
dep habarlaıdy QR grek-rım, erkin jáne áıelder kúresi federatsııasynyń baspasóz qyzmeti.
Grek-rım kúresinen 15-16 qyrkúıekte Vıtebsk qalasynda (Belarýs) 1980 jylǵy Olımpıadanyń kúmis júldegeri, Álem jáne Eýropa birinshilikteriniń birneshe dúrkin chempıony Igor Kanygın atyndaǵy 17-shi ashyq respýblıkalyq chempıonat ótti.
Reseı, Ýkraına jáne Belarýs elderiniń palýandary qatysqan týrnırge qazaq kúresshileri de barǵan bolatyn. Qazaqstan sportshylarynyń enshisinde 4 medal bar. Onyń ekeýi «altyn», 1 «kúmis», 1 «qola» medal.
Týrnır chempıony ataǵyna 55 keli salmaqta óner kórsetken Nursultan Qalmurzaev pen 96 keli salmaqtaǵy Shyńǵys Syzdyqov qol jetkizdi. 74 keli salmaqta Rashıd Kochıev tek aqtyq synda súrindi. Sol aıqasta bizdiń palýan 2012 jyly Olımpıada júldegeri atanǵan boz kilem ıesi Aleksandr Kıkınevke jeńildi. Osy salmaqta Ashat Jańbyrov úshinshi oryn enshiledi.
