Belarýstiń Іshki ister mınıstrligi polıtseılerdi ne úshin marapattaǵandyǵyn túsindirdi
MINSK. BELTA-QazAqparat - Belarýs Іshki ister mınıstrliginiń ókilderi polıtsııa qyzmetkerlerin nelikten «Minsiz qyzmeti úshin» medalimen marapattaǵandaryna túsinikteme berdi.
Mundaı aqparat ІІM baspasóz hatshysy Olga Chemodanovanyń Telegram-arnasynda jarııalandy», – dep habarlaıdy «QazAqparat» HAA BELTA agenttigine silteme jasap.
«Keıbir Telegram-arnalar men ınternet-saıttar ishki ister organdarynyń qyzmetkerlerin I, II jáne III dárejeli «Minsiz qyzmeti úshin» medalimen (№305 jarlyq) marapattaý týraly aqparatty burmalaýǵa tyrysty. Buǵan túsinikteme bere ketsek, atalǵan qyzmetkerlerdi marapattaý úshin materıaldar belgilengen tártippen Mınıstrler keńesine 2020 jyldyń naýryz aıynda jiberilgen. Olardyń árqaısysyna marapattaý paraǵy rásimdelip, memleket pen halyq aldynda quqyq qorǵaý salasyna sińirgen eńbegi, eldegi quqyqtyq tártipti nyǵaıtýǵa, sondaı-aq ishki ister organdarynyń barlyq qyzmet kezeńindegi damýyna qosqan jeke úlesi baǵalandy», – delingen habarlamada.
Vedomstovada aıtylǵandaı, «Minsiz qyzmeti úshin» medalimen tıisinshe 10, 15 jáne 20 jyl minsiz qyzmet atqarǵan ishki ister organdarynyń basshylary jáne qatardaǵy sarbazdar, áskerı qyzmetshiler marapattalady.
