Belarýstiń etnografııalyq jəne turmystyq jədigerleri Qazaqstannyń Ulttyq mýzeıine tabystaldy
"Búgin Qazaqstannyń Ulttyq mýzeıinde Belarýs Respýblıkasynyń Ulttyq tarıhı mýzeıiniń etnografııalyq jəne turmystyq kollektsııalaryn ýaqytsha kórsetýge usyný múmkinshiligine ıe bolyp turmyn. Olar - belarýs əıelderiniń ulttyq kıimi. Sonymen qatar úılený rəsimi barysynda turmystyq zat retinde qoldanylǵan dəstúrli qumyralar da bar", - dedi saltanatty sharaǵa qatysqan Belarýs Prezıdenti Əkimshiliginiń basshysy Natalıa Kochanova.
Onyń aıtýynsha, mýzeıge kelgen elordalyqtar men qala qonaqtary osy eksponattardy kórý arqyly Belarýs halqynyń mádenıeti men salt-dəstúrin jetik bile túsedi.
Óz kezeginde QR Ulttyq mýzeıi dırektorynyń mindetin atqarýshy Leonıd Kochetov belarýs tarapyna usynyp otyrǵan eksponattary úshin rızashylyq bildirdi.
"Sizdi Qazaqstannyń Ulttyq mýzeıinde qarsy alǵanymyz úshin qýanyshtymyz. Sizderdiń búgingi tartýlaryńyz bizderdiń mýzeı isindegi jəne mədenı saladaǵy dostyq baılanystarymyzdy jalǵastyrady dep senemiz", - dedi ol.
