Belarýstegi saılaý ashyq, jarııaly ári básekege toly boldy – TMD mıssııasy

MINSK. BELTA - QazAqparat – Belarýs parlamentiniń Ókilder palatasynyń depýtattar saılaýy ashyq ári jarııaly boldy. TMD elderinen kelgen baqylaýshylar mıssııasy osyndaı pikirde, dep atap ótti mıssııa basshysy Sergeı Lebedev. Bul týraly «QazAqparat» HAA BELTA-ǵa silteme jasap habarlaıdy.

TMD baqylaýshylar mıssııasy Belarýstegi saılaýǵa qatysty qorytyndy málimdeme ázirlep otyr. Ol saılaýdyń nátıjesi resmı túrde bekitilgennen keıin jarııalanady. Sergeı Lebedev mıssııa qorytyndysynyń basty túıinderin málimdedi.

«TMD elderinen kelgen baqylaýshylardyń pikiri boıynsha, Belarýs bıligi, saılaý komıssııasy naýqannyń joǵary deńgeıde ótýin qamtamasyz etti», - dedi ol.

Sergeı Lebedevtiń aıtýynsha, saılaý Belarýs Konstıtýtsııasyna, Saılaý kodeksine sáıkes, ashyq ári jarııaly túrde ótken jáne demokratııalyq saılaý ótkizý qaǵıdalaryna saı bolǵan.

Belarýstegi parlament saılaýynda eń kóp baqylaýshylar TMD mıssııasy boldy. Onyń quramyna Dostastyqtyń segiz elinen 475 ókil tartyldy.

Eske sala keteıik, jeksenbide Belarýstyń Ulttyq jınalysy Ókilder palatasynyń jetinshi shaqyrylymynyń depýtattar saılaýy ótti.

Buǵan deıin Belarýs Parlamentiniń jańartylǵan qos palatasy alǵashqy sessııalaryn 6 jeltoqsan kúni ótkizetinin habarlaǵan edik.