Belarýste saqtandyrý jáne týrıstik qyzmetter aqysy tek ulttyq valıýtamen alyna bastady

ASTANA. QazAqparat - 1 naýryzdan bastap Belarýs Ulttyq banki valıýtalyq operatsııalar sýbektilerine jeke tulǵalarmen saqtandyrý jáne týrıstik qyzmetterdi iske asyrý kezinde sheteldik valıýtamen esep aıyrysýǵa jeke ruqsattar berýdi toqtatty. Bul osy eldiń Ulttyq bank basqarmasynyń 3 aqpandaǵy №47 qaýlysymen qarastyrylǵan, dep habarlaıdy BELTA.

Atalmysh qujatqa sáıkes, endi barlyq markalar avtomobılder janarmaı, dızeldik otyn men suıytylǵan gaz úshin, sondaı-aq "M", "M/E" belgilerimen tańbalanǵan respýblıkalyq kólik joldaryndaǵy bólshek saýda nysandary men Belarýs memlekettik shekarasy arqyly ótkizý beketterinde Belarýs rýblimen esep aıyrysady.

Ulttyq bank basqarmasynyń №47 qaýlysy 1 naýryzdan bastap kúshine enip, 2017 jylǵy 1 qańtarǵa deıin óz kúshinde bolady.

Eldiń Ulttyq bankinde atap ótkendeı, Belarýs aýmaǵynda esep aıyrysýdy júrgizý kezinde sheteldik valıýtany paıdalanýdy azaıtýdyń mundaı sharalary turǵyndar men sharýashylyq sýbektileriniń ulttyq valıýtaǵa degen senimderin arttyryp, ishki tutynýshylyq naryqty qorǵaý maqsatynda qoldanylýda.