Belarýste prezıdent saılaýy 2020 jyly 30 tamyzda ótýi múmkin

MINSK. BELTA-QazAqparat – Belarýs Ortalyq saılaý komıssııasynyń tóraǵasy Lıdııa Ermoshına ONT telearnasynyń «Kontýry» baǵdarlamasyna bergen suhbatynda elde prezıdent saılaýy 2020 jyly 30 tamyzda ótýi múmkin ekendigin aıtty, dep habarlaıdy «QazAqparat» HAA BELTA-ǵa silteme jasap.

OSK tóraǵasy memleket basshysyn saılaýǵa tıimdi ýaqyt kóktem bolyp tabylatynyn aıta kele: «Bizde qarasha aıynda saılaý ótedi, jeltoqsanda jańa parlament qalyptasyp úlgeredi. Bul degenimiz, úsh aıdan keıin prezıdent saılaýyn belgileý kerek bolady. Al onda munalardy ne úshin aýystyrdyq?», - ol.

«Prezıdent saılaýy Konstıtýtsııada belgilengen merzimde ótedi dep oılaımyn. ıAǵnı, 2020 jylǵy tamyzdyń 30-y. Menińshe, bul datany Belarýs Respýblıkasy Prezıdentiniń saılaýy ótetin kún dep ataýǵa bolady», - dedi Lıdııa Ermoshına.

Onyń aıtýynsha, bul, bir jaǵynan áli de jaz mezgili. Ekinshi jaǵynan, 30 tamyz – halyq eńbek demalystarynan oralatyn, stýdentter JOO-ǵa ornalasyp úlgeretin ýaqyt. ıAǵnı, saılaýshylar tirkelgen jerlerinde bolady. «Biraq bul qazir boljam ǵana», - dep qosty ol.

Eske sala keteıik, Belarýs basshysy Aleksandr Lýkashenko 2019 jyly Ókilder palatasy men Respýblıka Keńesine saılaý ótetinin, al prezıdent saılaýy 2020 jyly bolatynyn málimdegen edi.