Belarýste Prezıdent Ákimshiliginiń basshysy men onyń orynbasary aýysty

MINSK. BELTA – QazAqparat – Belarýs prezıdenti Aleksandr Lýkashenko Prezıdent Ákimshiligi basshysy qyzmetine Igor Sergeenkony, al onyń orynbasary laýazymyna Olga Chýprısti taǵaıyndaý týraly sheshim qabyldady, dep habarlaıdy QazAqparat BELTA-ǵa silteme jasap.

Bul laýazymdarda bolǵan sheneýnikter endi parlamenttik qyzmetpen aınalysady. Atap aıtqanda, Natalıa Kochanova Prezıdenttik kvota boıynsha Respýblıka keńesine jiberilse, Valerıı Mıtskevıch jetinshi shaqyrylǵan Palata ókilderiniń quramyn tolyqtyrdy.

Osy taǵaıyndaýǵa deıin general-maıor Igor Sergeenko Belarýs Memlekettik qaýipsizdik komıteti tóraǵasynyń birinshi orynbasary bolsa, zań ǵylymdarynyń doktory, professor Olga Chýprıs Belarýs memlekettik ýnıversıtetinde oqý isi jáne bilim ınnovatsııasy jónindegi prorektor qyzmetin atqaryp keldi.