Belarýste ótken prezıdent saılaýynda daýys berý aıaqtaldy

MINSK. QazAqparat – Belarýste 9 tamyzda el prezıdentiniń saılaýynda daýys berý aıaqtaldy, dep habarlaıdy QazAqparat álemdik BAQ-qa silteme jasap.

Belarýs OSK tóraǵasy Lıdııa Ermoshına saılaýdyń sońǵy nátıjesi dúısenbi kúni (Nur-Sultan ýaqytymen saǵat 05:00-de) jarııalanýy múmkin dedi. Biraq VVS agenttiginiń habarlaýynsha ol áli shyqpaǵan. TASS -tyń málimetinshe, STV telearnasynyń tapsyrysy boıynsha ótkizilgen ekzıtpol Aleksandr Lýkashenkoǵa 71,4%, oppozıtsııanyń negizgi kandıdaty Svetlana Tıhanovskaıaǵa - 10,1% daýys bergenin kórsetken.

Ár túrli BAQ-tyń habarlaýynsha, jeksenbi kúni keshke Belarýstiń keıbir qalalarynda saılaýdyń aldyn-ala nátıjesi boıynsha narazylyq aktsııasyy bastaldy. Túnge qaraı Belarýstiń jetekshi BAQ saıttarynyń jumysynda aqaý paıda boldy, sonymen qatar bılik saıttary, onyń ishinde 2020 jylǵy saılaýǵa arnalǵan portal da jumys istemeı tur.