Belarýste koronavırýspen baılanysty úsh jaǵdaı tirkeldi
MINSK. BELTA- QazAqparat – Belarýste koronavırýspen baılanysty úsh jaǵdaı tirkeldi, dep habarlady tilshilerge Densaýlyq saqtaý mınıstriniń orynbasary – Bas sanıtarlyq dáriger Natalıa Jýkova.
Bul týraly QazAqparat BELTA agenttigine silteme jasap habarlaıdy.
«Bizde koronavırýspen baılanysty úsh jaǵdaı tirkeldi. Olardyń qaýipti indetpen baılanysty ekendigi aıqyn, endi tekserý nátıjelerin rastaý úshin olar DDSU-nyń referens-zerthanasyna jiberiledi»,-dedi Natalıa Jýkova.
Ol óz elindegi zerthanalardyń jumysyna kámil senetinin jetkizdi.
Koronavırýs anyqtalǵan Vıtebsk turǵynynyń densaýlyq jaǵdaıy qanaǵattanarlyq. Onyń dene qyzýy qalypty, áıel adamnyń deni saý dese bolady.
Bul týraly BELTA-ǵa Densaýlyq saqtaý mınıstrliginen habarlandy.
Mınskidegi eki patsıenttiń de densaýlyq jaǵdaılary durys. Olardyń tipti dene qyzýy da kóterilgen joq.
«Biz tek jaǵdaıdy baqylaýda ustap otyrmyz. Qajet bolǵanda kómektesýge daıynbyz»,-dep qosty Belarýs memlekettik medıtsınalyq ýnıversıtetiniń kafedra meńgerýshisi, medıtsına ǵylymdarynyń doktory, professor Igor Karpov.
