Belarýste Konstıtýtsııa boıynsha referendým ótip jatyr

MINSK. BELTA – QazAqparat. Belarýste Konstıtýtsııa boıynsha referendým ótip jatyr, dep habarlaıdy QazAqparat Belýrastyń BELTA agenttigine silteme jasap.

Belarýs aýmaǵynda respýblıkalyq referendýmda daýys berý úshin 5510 saılaý ýchaskesi quryldy, onyń ishinde 217-si sanatorıılerde, ambýlatorııalarda, demalys úılerinde, aýrýhanalarda jáne statsıonarlyq jaǵdaıda medıtsınalyq kómek kórsetetin basqa da densaýlyq saqtaý uıymdarynda, 12-si áskerı bólimderde.

Resferendýmnyń maqsaty Konstıtýtsııaǵa engiziletin ózgeristermen kelisesiz be, joq pa, degen másele.

Referendým jalpyǵa birdeı, erkin, teń jáne jasyryn daýys berý arqyly ótkiziledi. Oǵan 18 jastan asqan azamattar qatysa alady. Referendýmǵa árbir qatysýshy jeke daýys beredi.

Eger oǵan daýys berý tizimderine engizilgen azamattardyń jartysynan astamy qatyssa, referendým ótti dep esepteledi.