Belarýste áskerı ushaq apatqa ushyrady

MINSK. QazAqparat – Belarýstiń Baranovıchı qalasynyń mańynda Lıdskoı shabýyldaýshy áýe bazasynyń ıAk-130 áskerı ushaǵy qulady. Bul týraly eldiń Qorǵanys mınıstrligi málim etti, dep habarlaıdy QazAqparat.

Oqý-jattyǵý ushýyn oryndaý barysynda ekıpaj tehnıkalyq aqaý baıqaǵan. Ushqyshtar ushaqty eldi mekennen alys alyp ketýge tyrysqan. Qulaý traektorııasynyń turǵyn úılerden alys ekenine kóz jetkizgen kezde ǵana olar katapýltandy.

Ókinishke oraı, eki ushqysh ta qaza tapty. Basqa qurbandar men qırandylar joq.

Apattyń saldary TJM kúshterimen joıyldy.

Apat ornyna Belarýs Qorǵanys mınıstriniń qarýlaný boıynsha orynbasarynyń bastamasymen Qorǵanys mınıstrliginiń komıssııasy shyqty.