Belarýste 8 naýryz toılanbaıtyn boldy
ASTANA. 8 naýryz. QazAqparat - Belarýs prezıdenti Aleksandr Lýkashenko Venesýela prezıdenti Ýgo Chavesti aza tutýǵa baılanysty elde 8 naýryz - Halyqaralyq áıelder kúni ótetin merekelik is-sharalardy ótkizbeýge buıryq berdi.
Belarýste 6-8 naýryz Ýgo Chavestiń qaıtys bolýyna baılanysty aza tutý kúni bolyp jarııalanǵan, dep habarlaıdy «Azattyq».
Keshe Mınsk meri Nıkolaı Ladýtko "belarýs halqyna kóp jaqsylyq jasady" dep, qala kósheleriniń birine Chavestiń atyn berý týraly usynys jasaǵan.
Ýgo Chaves Belarýske birqatar munaı jáne gazǵa baılanysty keliism-sharttar jasaý úshin birneshe ret barǵan edi.
Halyqaralyq quqyq qorǵaý uıymdary Ýgo Chaves pen Aleksandr Lýkashenkony adam quqyqtaryn buzady dep jıi synaıtyn.
Qaterli isikpen aýyrǵan 58 jastaǵy Ýgo Chaves 5 naýryzda qaıtys boldy.
