Belarýste 1 qarashadan bastap zeınetaqy ósedi

ASTANA. QazAqparat - Belarýs prezıdenti Aleksandr Lýkashenko 17 qazanda «Zeınetaqyny kóbeıtý týraly» №377 jarlyqqa qol qoıdy. Bul jaıly prezıdenttiń baspasóz qyzmetine silteme jasaı otyryp BELTA habarlaıdy.

Qujatqa sáıkes, 2017 jylǵy 1 qarashadan bastap Belarýs Respýblıkasynda ortasha jalaqynyń artýyna baılanysty eńbek zeınetaqylary qaıta esepteledi. Nátıjesinde elde 1 qarashadan bastap zeınetaqylar ortasha 5%-ke ósedi.