Belarýs «Spýtnık Laıt» bir komponentti reseılik vaktsınany tirkedi
Ulybrıtanııanyń Premer-mınıstri Borıs Djonson AstraZeneca kompanııasy shyǵarǵan koronavırýs ınfektsııasyna qarsy vaktsınanyń ekinshi dozasyn aldy. Bul týraly Twitter-degi paraqshasynda málim etti.
Saıasatker erejege sáıkes vaktsınanyń ekinshi komponentin birinshisinen 11 apta ótken soń saldyrǵan. Protsedýra Londondaǵy Frensıs Krıktiń bıomedıtsınalyq zertteýler ortalyǵynda ótti. «Sizdiń kezegińiz kelgende, koronavırýs ınfektsııasyna qarsy egilińiz», – dep jazdy Djonson.
Shrı-Lanka bıligi koronavırýs pandemııasynyń jalǵasýyna baılanysty el ishindegi qozǵalysqa tyıym salý merzimin 14 maýsymǵa deıin uzartty. 1 maýsymnan bastap Shrı-Lanka aralǵa sheteldik týrısterdiń kelýine shekteýdi alyp tastaǵan bolatyn. Sheteldikter elge kelmes buryn PTR-test jasap, el aýmaǵyna kirgen soń eki apta karantınge oqshaýlandyrylady. Alaıda, sońǵy 14 kúnde Úndistanda nemese Vetnamda bolǵan adamdarǵa, tipti olar Shrı-Lanka azamattary bolsa da, aralǵa kirýge ruqsat etilmeıdi.
Belarýste koronavırýs ınfektsııasyna qarsy reseılik «Spýtnık Laıt» vaktsınasy tirkeldi, dep habarlandy Belarýs Respýblıkasy Densaýlyq saqtaý mınıstrliginen. Tirkeý bir jyl boıy jaramdy bolady. Preparatty Gamaleıa atyndaǵy ulttyq epıdemıologııa jáne mıkrobıologııa ǵylymı-zertteý ortalyǵy jasap shyǵardy. «Spýtnık Laıttyń» eki komponentti «Spýtnık V» vaktsınasynan eń basty aıyrmashylyǵy, onyń quramy 26-shy tıpti adenovırýs negizinde jasalǵan bir ǵana komponentten turatyndyǵynda.
