Belarýs ShYU-yn jahandyq tartý ortalyǵy retinde nyǵaıtýǵa daıyn - Lýkashenko

ASTANA.KAZIMFORM  - Belarýs ShYU-ǵa múshe bolǵanyn maqtan tutady. Bul týraly Mınskide Shanhaı yntymaqtastyq uıymynyń bas hatshysy Nurlan Ermekbaevpen kezdesýinde Belarýs prezıdenti Aleksandr Lýkashenko aıtty, dep jazady Kazinform tilshisi.

Беларусь ШЫҰ-ын жаһандық тарту орталығы ретінде нығайтуға дайын - Лукашенко
Фото: ШЫҰ /telegram

Shanhaı yntymaqtastyq uıymy (ShYU) Hatshylyǵynyń Telegram-kanaly habarlaýynsha, áńgime barysynda ShYU aıasyndaǵy yntymaqtastyqty damytý máseleleri, onyń ishinde Belarýs Respýblıkasynyń bastamalaryn iske asyrý, sondaı-aq uıymnyń qyzmetin odan ári jetildirý týraly aıtyldy.

Ol sondaı-aq Uıymnyń jahandyq tartymdylyq ortalyǵy retinde damýy men nyǵaıýyn qamtamasyz etý úshin jumys isteýge daıyn ekenin atap ótti.

Belarýs Respýblıkasynda prezıdent saılaýyn baqylaý úshin Shanhaı yntymaqtastyq uıymynyń mıssııasy jumys istedi.

Nurlan Ermekbaev Aleksandr Lýkashenkony aldyn ala esepteýler boıynsha prezıdenttik saılaýdaǵy senimdi jeńisimen quttyqtady. Ol ShYU Baqylaýshylar Mıssııasy óz jumysynda árqashan obektıvtilik pen beıtaraptyq qaǵıdattaryna súıenetinine sendirdi.

Aıta keteıik, Belarýs 2024 jyly Astanada ótken ShYU sammıtiniń qorytyndysy boıynsha Shanhaı yntymaqtastyq uıymynyń 10-shy tolyqqandy múshesi boldy.

Lýkashenko Belarýstegi prezıdent saılaýynda jeńiske jetti.

Сейчас читают