Belarýs sarapshysy Sırııadaǵy gýmanıtarlyq operatsııanyń qorytyndysyna túsinikteme berdi

MÁSKEÝ. QazAqparat - Qazaqstannyń óz azamattaryn Sırııadan shyǵarý boıynsha gýmanıtarlyq operatsııasy tek QR Prezıdenti kásibı túrde biriktirip otyrǵan birqatar memlekettik qurylymdardyń úılesimdi jumysy jáne basqa memleketterdiń osyǵan uqsas qurylymdarymen tyǵyz yntymaqtastyqta bolýynyń arqasynda tabysty boldy. Belarýs jáne sheteldik birqatar basylymdardyń tanymal saıası sholýshysy Roman ıAkovlevskıı Máskeýde QazAqparat agenttiginiń menshikti tilshisine osyndaı pikir bildirdi.

«Qazaqstannyń óz azamattarynyń úlken tobyn Sırııadan qaýipsiz jerge shyǵarý boıynsha gýmanıtarlyq operatsııa QR Prezıdenti kásibı túrde biriktirip otyrǵan birqatar memlekettik qurylymdardyń úılesimdi ári kásibı jumysy jáne basqa memleketterdiń osyǵan uqsas qurylymdarymen tyǵyz yntymaqtastyqta bolýynyń arqasynda ǵana tabysty boldy. Sırııada soǵystyń kúrdeli jaǵdaıynda, bul qantógistiń jalǵasýyna qaramastan Astananyń osyndaı oń nátıjege qol jetkizgeni úlken áserde qaldyryp otyr», - dep sanaıdy R.ıAkovlevskıı.

Bul rette sarapshy arnaıy operatsııanyń dúnıejúzine Astana saıasatynyń tek kóptegen mańyzdy álemdik forýmdardyń bastamashysy ǵana emes, ózge de týyndaǵan nemese týyndaıtyn problemalardy sheshý jolyndaǵy naqty is-áreketterdiń quraly retinde ózin taǵy bir tanytqanyn atap ótti.

«Astana qazirgi sırııalyq problemany sheshýge talpynyp otyrǵan kelissózder júrgizýdiń mańyzdy alańy bolyp tabylady. Meniń oıymsha, bul arnaıy operatsııa búgingi tańda eleńdep otyrǵan álem jurtshylyǵyna, onyń kóshbasshylaryna Astana tek kóptegen mańyzdy álemdik forýmdardyń bastamashysy retinde ǵana emes, ózge de týyndaǵan nemese týyndaıtyn kókeıkesti máselelerdi sheshý jolyndaǵy naqty is-áreketterdiń quraly retinde tanylyp otyr», - dep atap ótti sarapshy.

Budan buryn Elbasy Nursultan Nazarbaev Sırııadan Qazaqstan azamattaryn evakýatsııalaý boıynsha gýmanıtarlyq operatsııaǵa baılanysty málimdeme jasaǵan bolatyn.

Avtory: Medet Ahmetov