Belarýs Respýblıkasyndaǵy prezıdenttik saılaýdy TMD-nyń atynan 400 baıqaýshy baqylaıtyn bolady
SANKT-PETERBÝRG. Qazannyń 7-si. QazAqparat /Elena Mıagkova/ - Qazan aıynyń sońyna qaraı TMD elderiniń baıqaýshylar mıssııasy Belarýs Respýblıkasynyń prezıdenttik saılaýynyń aıasynda respýblıkanyń barlyq oblys ortalyqtarynda -Brest, Vıtebsk, Gomel, Grodno, Mogılev qalalarynda óz bólimderin ashady.
Bul shara baıqaýshylardyń qalalar men aýdandardaǵy jumystaryn uıymdastyrýǵa, aýmaqtyq jáne ýchaskelik saılaý komıssııalarymen turaqty baılanysta bolýǵa, jergilikti buqaralyq aqparat quraldarynyń kandıdattardyń saılaýaldy naýqandaryn tanystyrý jónindegi jumystaryna monıtorıngter júrgizýge múmkindik beredi.
Bul týraly Belarýs Prezıdentiniń saılaýyndaǵy TMD baıqaýshylary mıssııasynyń basshysy Sergeı Lebedev pen Belarýstyń Saılaý jáne respýblıkalyq referendýmdar ótkizý jónindegi Ortalyq komıssııasynyń tóraıymy Lıdııa Ermoshınanyń kezdesýinde málim etildi, dep habarlady TMD Atqarýshy komıtetiniń baspasóz qyzmetinen.
TMD mıssııasy Belarýs Respýblıkasynda osymen besinshi ret baıqaý júrgizedi.
Daýys beriletin kúni Belarýs Respýblıkasyndaǵy prezıdenttik saılaýdy TMD-nyń atynan 400 baıqaýshy baqylaıtyn bolady.
