Belarýs Respýblıkasynda salynyp jatqan atom-elektr stansasynyń operatorlary anyqtaldy
MINSK. 31 naýryz. QazAqparat /Aıtýar Mamlın/ - Belarýs Respýblıkasynyń Prezıdenti 29 naýryzda «ıAdrolyq shyǵyn úshin azamattyq jaýapkershilik salasyndaǵy halyqaralyq kelisimsharttardy júzege asyrý jónindegi sharalar týraly» Jarlyqqa qol qoıdy.
Bul týraly memleket basshysynyń baspasóz qyzmeti habarlady.
Qujat atalmysh sala qabyldaǵan mindettemelerdi Belarýs Respýblıkasynyń oryndaýyn qamtamasyz etý maqsatynda qabyldanyp otyr.
Bul Jarlyqpen 1963 jylǵy ıAdrolyq shyǵyn úshin azamattyq jaýapkershilik týraly Vena konventsııasy men 1997 jyly qabyldanǵan ıAdrolyq shyǵyn úshin azamattyq jaýapkershilik týraly Vena konventsııasyna túzetýler engizý týraly hattamanyń oryndalýyna jaýapty memlekettik organdar jáne Belarýs Ulttyq ǵylym akademııasy «Energetıkalyq jáne ıadrolyq zertteýler birlesken ınstıtýty» ǵylymı mekemesiniń salynyp jatqan ıadrolyq qondyrǵylary atom-elektr stansasynyń operatorlary anyqtaldy.
