Belarýs Respýblıkasy Mılanda ótetin «EKSPO-2015» dúnıejúzilik kórmesine qatysady

Italııa Respýblıkasynyń Mınıstrler keńesiniń tóraǵasy Sılvıo Berlýskonıdiń osy kórmege shaqyrýyna joldaǵan jaýabynda Belarýs Prezıdenti Aleksandr Lýkashenko osylaı dedi.

Belarýs Prezıdentiniń baspasóz qyzmetinen habarlaǵandaı, A.Lýkashenko 2009 jyly S.Berlýskonımen bolǵan kezdesýlerdiń qorytyndysy boıynsha eki eldiń arasynda qol jetkizilgen yntymaqtastyqtyń damýynda ilgerileýshiliktiń bar ekenin atap kórsetti.

«Barlyq derlik saladaǵy qarym-qatynastardyń quqyqtyq bazasy jasalyp bitti, taýar aınalymy ósip, belarýs ekonomıkasyna salynyp jatqan ıtalıandyq ınvestıtsııa artýda. Brest qalasynda Italııanyń ónerkásiptik okrýgin qurý týraly Siz ben bizdiń sheshimimiz júzege asyrylǵan soń, respýblıkamyzda jáne Belarýs, Reseı men Qazaqstannyń Keden odaǵynyń barlyq keńistiginde Italııa bıznesi úshin jańa perspektıvalar ashylatyny sózsiz», - dep atap kórsetiledi hatta.

A.Lýkashenko sondaı-aq, «EKSPO-2015» kórmesiniń eki eldiń arasyndaǵy saýda-ekonomıkalyq yntymaqtastyqqa qosymsha serpin beretinine, ózara tıimdi jańa baǵyttardy ashatynyna, bıznes-qoǵamdastyqtardyń áleýetterin eki el halyqtarynyń ıgiligi úshin paıdalanýdyń mol múmkindigine senim bildirdi.