Belarýs Respýblıkasy Keden odaǵy aıasyndaǵy mindettemelerin oryndaýda
MINSK. 31 naýryz. QazAqparat /Aıtýar Mamlın/ - Ulttyq bank belarýs ımporterlaryna erkin tólem júıesin ruqsat etti,
dep habarlady Belarýs Respýblıkasynyń Ulttyq banki.
Budan bylaı satyp alynatyn ımporttyq jabdyqtar úshin tólemder Qazaqstan men Reseı Federatsııasynyń sharýashylyq sýbektileriniń paıdasy úshin belarýs rýblimen ǵana emes, teńgemen jáne reseı rýblimen de júrgiziletin bolady.
Keden odaǵynyń aıasyndaǵy halyqaralyq mindettemelerdi jáne Birtutas ekonomıkalyq keńistikti qurý týraly kelisimderdi Belarýs Respýblıkasynyń oryndaýy aıasynda osyndaı sheshim qabyldanyp otyr. Bul bastama Keden odaǵy elderiniń syrtqy saýda qatynastaryn ári qaraı úılestirýge jáne úsh eldiń eksporttyq áleýetterin damytý úshin olardyń sharýashylyq sýbektilerine teń jaǵdaı jasaýǵa sep bolady.
