Belarýs Respýblıkasynyń joǵary oqý oryndarynda bilim alýǵa qujat qabyldaý bastalady
ASTANA. KAZINFORM — «Halyqaralyq baǵdarlamalar ortalyǵy» AQ Qazaqstan Respýblıkasy Bilim jáne ǵylym mınıstrligi men Belarýs Respýblıkasy Bilim mınıstrligi arasyndaǵy Kelisim aıasynda Belarýs Respýblıkasynyń joǵary oqý oryndarynda bilim alýǵa qujat qabyldaý bastalǵanyn habarlaıdy.
2026–2027 oqý jylyna Qazaqstan Respýblıkasynyń azamattaryna «Bakalavrıat» bilim berý baǵdarlamasy boıynsha «Óner jáne gýmanıtarlyq ǵylymdar», «Áleýmettik ǵylymdar, jýrnalıstıka jáne aqparat», «Bıznes, basqarý jáne quqyq», «Jaratylystaný ǵylymdary, matematıka jáne statıstıka», «Aqparattyq-kommýnıkatsııalyq tehnologııalar», «Injenerlik, óńdeý jáne qurylys salalary» bilim berý baǵyttary boıynsha 1 grant bólindi.
Qujattardy 2026 jylǵy 15 mamyrdan bastap 2026 jylǵy 22 mamyrdy qosa alǵanda «Elektrondyq úkimet» portaly arqyly nemese «Halyqaralyq baǵdarlamalar ortalyǵy» AQ-da qolma-qol tapsyrýǵa bolady.
Aıta ketelik Vetnamda bilim alý úshin 3 bilim granty bólingeni týraly jazǵan edik.
