Belarýs, Reseı jáne Ýkraınalyq quqyq qorǵaýshylar Nobel syılyǵyn aldy
ASTANA. QazAqparat – Bıylǵy jyly Nobel komıteti beıbitshilik syılyǵyn Belarýs, Reseı jáne Ýkraına kandıdattary arasynda bólýge sheshim qabyldady, dep habarlaıdy QazAqparat Euronews-ke silteme jasap.
Bıyl Nobel syılyǵynyń jalǵyz jeke ıegeri belarýstyq quqyq qorǵaýshy, «Vıasna» quqyq qorǵaý ortalyǵynyń tóraǵasy, «Ar-ujdan tutqyny» Ales Belıatskıı boldy. Sonymen qatar, 2022 jylǵy beıbitshilik syılyǵyn eki quqyq qorǵaý uıymy bólisti. Olar: Reseıdiń «Memorıal» ortalyǵy jáne Ýkraınanyń azamattyq bostandyqtar ortalyǵy.
Ótken jyly beıbitshilik salasyndaǵy Nobel syılyǵy fılıppın jýrnalısi Marııa Ressa men reseılik jýrnalıst, «Novaıa gazetanyń» bas redaktory Dmıtrıı Mýratovqa berilgen bolatyn.
Muratovtan basqa Reseıde KSRO-nyń sońǵy basshysy Mıhaıl Gorbachev (1990 jyly) «Shyǵys pen Batys arasyndaǵy qarym-qatynasty túbegeıli ózgertýdegi jetekshi róli úshin» jáne quqyq qorǵaýshy, ǵalym Andreı Saharov (1975 jyly) «Keńes Odaǵynda adam quqyqtary úshin kúres, qarýsyzdaný jáne halyqtar arasyndaǵy yntymaqtastyq úshin» aldy.
Foto: euronews.com
