Belarýs Pýtın men Zelenskııdiń kezdesýin uıymdastyrýǵa daıyn ekenin málimdedi
ASTANA. KAZINFORM – Belarýs bıligi Reseı prezıdenti Vladımır Pýtın men Ýkraına prezıdenti Vladımır Zelenskııdiń kezdesýin ótkizýge daıyn. Bul týraly el prezıdentiniń baspasóz hatshysy Natalıa Eısmont «Vedomostı» gazetine málimdedi, dep habarlaıdy TASS.
– Belarýs deldal bolýǵa umtylyp otyrǵan joq jáne umtylmaıdy da. Biraq bul baýyrlas respýblıkadaǵy beıbitshilik úshin qajet bolsa, biz kez kelgen kezdesýdi uıymdastyrýǵa daıynbyz. Jáne muny eń joǵary deńgeıde ótkizemiz. Alaıda, bul taqyryp Belarýs prezıdentiniń amerıkalyq áriptesimen telefon arqyly sóılesýi barysynda talqylanǵan joq, – dedi Eısmont.
Buǵan deıin AQSh prezıdenti Donald Tramp Vashıngtonda Vladımır Zelenskıımen jáne birqatar eýropalyq elderdiń basshylarymen kezdesý ótkizgen bolatyn.
Keıin amerıkalyq kóshbasshy Reseı prezıdenti Vladımır Pýtınge qońyraý shaldy.
RF prezıdentiniń kómekshisi ıÝrıı Ýshakovtyń aıtýynsha, Reseı men AQSh basshylary Máskeý men Kıev arasyndaǵy tikeleı konsýltatsııalardy jalǵastyrýdy qoldady, sondaı-aq olardyń deńgeıin arttyrý múmkindigi qarastyryldy.