Belarýs Prezıdentiniń saılaýyna Qazaqstannan baratyn baıqaýshylar sany anyqtaldy

NUR-SULTAN. QazAqparat – Búgin QR Ortalyq saılaý komıssııasynyń otyrysynda 2020 jylǵy 9 tamyzdaǵy Belarýs Respýblıkasy Prezıdentiniń saılaýyna Qazaqstan Respýblıkasynan jiberiletin baıqaýshylardyń tizimin bekitý taqyryby qaraldy, dep habarlaıdy QazAqparat tilshisi.

«Jalpy, tizim boıynsha bes baıqaýshynyń kandıdatýrasy usynylǵan. Olar saılaýdy baıqaýda TMD mıssııasy quramynda qatysady. Onyń ishinde QR Prezıdenti Ákimshiliginen bir adam, QR OSK-dan bir adam, Qazaqstannyń Belarýs Respýblıkasyndaǵy Elshiliginen úsh baıqaýshy bolady», - dedi QR Ortalyq saılaý komıssııasy múshesi Anastasııa Şegortsova.

Ortalyq saılaý komıssııasynyń qaýlysymen Qazaqstan Respýblıkasynan 5 baıqaýshynyń kandıdatýrasy bekitildi, olar bıylǵy 9 tamyzda Belorýssııadaǵy saılaýdy baıqaýǵa qatysady.