Belarýs Prezıdenti saılaýynda saılaýshylardyń 90,66 paıyzy daýys berdi
ASTANA. 20 jeltoqsan. QazAqparat - Belarýs Prezıdenti saılaýynda saılaý ýchaskelerindegi daýys berý aıaqtalar tusta, ıaǵnı jergilikti ýaqyt boıynsha saǵat 20:00-de (21:00 msk) saılaýshylardyń 90,66 paıyzy daýys berdi. Mundaı málimetterdi Belarýstiń Ortalyq saılaý komıssııasy jarııalap otyr, dep habarlaıdy RBK.
A.Lýkashenkodan basqa saılaýǵa «Eýropalyq Belarýs» qozǵalysynyń kóshbasshysy Andreı Sannıkov, ádebıetshi jáne qoǵam qaıratkeri Vladımır Neklıaev, Birlesken azamattyq partııa kóshbasshysynyń orynbasary ıAroslav Romanchýk, «BNF Partııalary» basshysynyń orynbasary Grıgorıı Kostýsev, «Belorýs hrıstıan demokratııasy» qozǵalysy kóshbasshylarynyń biri Vıtalıı Rymashevskıı, oppozıtsıoner Nıkolaı Statkevıch, «Qaıta jańǵyrtý úshin» odaǵynyń kóshbasshysy Ales Mıhalevıch, sonymen qatar kásipkerler Vıktor Tereşenko men Dmıtrıı Ýss qatysty.
Saılaýdy ótti dep esepteý úshin tirkelgen saılaýshylardyń kem degende 50 paıyzy Memleket basshysyn saılaý naýqanyna qatysýy kerek.
Belarýstaǵy saılaý úderisin TMD-dan barǵan 336 baqylaýshy, sonyń ishinde 41 uzaq merzimdi baqylaýshy qadaǵalady, olar Belarýstyń barlyq aımaqtarynda jumys istedi.
EQYU Parlamenttik Asssambleıasy mıssııasynyń aıasynda jáne saılaý monıtorıngine qatysý úshin Belarýsqa barǵan Qazaqstan Respýblıkasy Parlament Senatynyń Tóraǵasy Qasym-Jomart Toqaev kúnniń birinshi jarytysynda Mınskidegi tórt saılaý ýchaskesinde, atap aıtqanda eldiń qazirgi Prezıdenti Aleksandr Lýkashenko daýys bergen №1 saılaý ýchaskesinde boldy.
