Belarýs prezıdenti Qazaqstandy tolyq qoldaıtynyn málim etti

MÁSKEÝ. QazAqparat – UQShU Bas hatshysy Stanıslav Zas Qazaqstan Prezıdenti Qasym-Jomart Toqaev pen Belarýs Prezıdenti Aleksandr Lýkashenkomen telefon arqyly sóılesti, dep habarlaıdy QazAqparat menshikti tilshisi.

UQShU baspasóz hatshysy Vladımır Zaınetdınov málim etkendeı, Qazaqstandaǵy jaǵdaı jáne Ujymdyq qaýipsizdik keńesiniń eldegi jaǵdaıdy qalypqa keltirý úshin UQShU Ujymdyq bitimgershilik kúshterin osy elge jiberý týraly sheshimin iske asyrý barysy talqylandy. Belarýs prezıdenti Qazaqstandy tolyqtaı qoldaıtynyn habarlady.

Q. Toqaev óz kezeginde Uıymǵa daǵdarysty eńserýge kómek kórsetkeni jáne UQShU UQK jibergeni úshin alǵys aıtty.

Eske salaıyq, UQShU UQK negizgi mindeti - mańyzdy memlekettik jáne áskerı obektilerdi kúzetý, jaǵdaıdy turaqtandyrýda QR quqyqtyq tártip kúshterine yqpal etý jáne ony quqyqtyq alańǵa qaıtarýǵa járdem kórsetý.