Belarýs Prezıdenti Qazaqstan munaıy boıynsha kelissózder júrgizýdi tapsyrdy

MINSK. BELTA-QazAqparat – Belarýs Prezıdenti Aleksandr Lýkashenko el Úkimetine Belarýske munaı jáne munaı ónimderin jetkizý salasynda Qazaqstanmen saýda-ekonomıkalyq yntymaqtastyq týraly kelissózder júrgizýge ýákilettik berdi. Bul týraly BELTA-ǵa el kóshbasshysynyń baspasóz qyzmetinen málim etti.

Agenttiktiń jazýynsha, Memleket basshysy Aleksandr Lýkashenko №27 jarlyǵymen Belarýske munaı jáne munaı ónimderin jetkizý salasynda Qazaqstanmen saýda-ekonomıkalyq yntymaqtastyq jóninde, sondaı-aq kelisim jobasy jáne maquldanǵan joba sheńberinde ýaǵdalastyqqa qol jetkizilgen jaǵdaıda oǵan ol qoıý boıynsha Belarýs Úkimetine kelissózder júrgizýge ýákilettik berdi.

«Buǵan deıin A.Lýkashenko Belarýske munaı tasymalyn uıymdastyrý úshin áleýetti múmkindigi bar memleketter arasynda Qazaqstandy birneshe márte atap ótken bolatyn. Bul másele sondaı-aq ótken jyldyń qazan aıynda Belarýs memleketi basshysynyń Qazaqstanǵa resmı sapary barysynda talqylanǵan bolatyn», - delingen aqparatta.