Belarýs prezıdenti hokkeı matchynda qulaǵan soń ózin qalaı sezinetinin aıtty
ASTANA. KAZINFORM — Belarýs prezıdenti Aleksandr Lýkashenko Mınskide ótken hokkeı matchynda qulaǵannan keıin ózin qalaı sezinip júrgeni týraly baıandap berdi.
BelTA aqparat agenttiginiń habarlaýynsha, 27 jeltoqsanda memleket basshysynyń komandasy Brest oblysynan kelgen qarsylastarymen hokkeı matchyn ótkizdi.
Keıinirek áleýmettik jelilerde prezıdent komandasy oıynshylarynyń biri Lýkashenkony kezdeısoq qulatqany kórsetilgen beıne paıda boldy.
Belarýs prezıdenti qazir ózin jaqsy sezinip, kelesi oıynǵa daıyndalyp jatqanyn aıtty.
— Ádettegi jumys jaǵdaıy: ózgeni qorqytý úshin ózińdikin ur. Bári jaqsy. Belim aýyryp qalǵany bolmasa, ózimdi jaqsy sezinip júrmin. Kelesi oıynǵa daıyndalyp jatyrmyn, — dep atap ótti Lýkashenko.
Buǵan deıin Belarýs prezıdenti Aleksandr Lýkashenko taǵy bir merzimge saılaýǵa túsýdi josparlap otyrmaǵanyn málimdedi.