Belarýs premeri azamattaryn Qytaıdan evakýatsııalaýǵa kómekteskeni úshin Qazaqstanǵa alǵys bildirdi
MINSK. QazAqparat – Belarýs memleketiniń premer-mınıstri Sergeı Rýmas Belarýs azamattaryn Qytaıdan evakýtsııalaýǵa kómekteskeni úshin qazaqstandyq áriptesine alǵys hat joldady, dep habarlaıdy QazAqparat BR Úkimetiniń saıtyna silteme jasap.
«Sergeı Rýmas Belarýs Respýblıkasy Úkimetiniń atynan 2020 jyldyń 2 aqpanynda koronavırýs oshaǵy QHR Hýbeı provıntsııasynan shyǵý týraly sheshim qabyldaǵan 5 belarýs azamatyn arnaıy reıspen evakýatsııalaýǵa jedel kómek kórsetkeni úshin Qazaqstanǵa alǵys bildirdi», - delingen habarlamada.
Belarýs Úkimetiniń basshysy azamattaryn Nur-Sultan qalasyndaǵy medıtsınalyq mekemege ornalastyryp, 2 apta ishinde qajetti jaǵdaı jasaǵany úshin Asqar Mamınge rızashylyǵyn bildirdi.
Premer-mınıstr aldaǵy ýaqytta da Belarýs memleketi men Qazaqstannyń ekijaqty qarym-qatynasty nyǵaıtyp, dostyq pen túsinistikte bolatynyn jetkizdi.
Sonymen qatar, Sergeı Rýmas áriptesine zor densaýlyq, jaqsylyq pen amandyq tiledi.
