Belarýs pen Qazaqstan adamnyń DNK-pasportyn jasap shyǵarmaq
ASTANA. 22 qyrkúıek. QazAqparat - Belarýs pen Qazaqstan adam genomıkasy salasynda birlesken ǵylymı-tehnıkalyq joba ázirleýde. Bul jónine Belarýs Ulttyq ǵylym akademııasy Genetıka men tsıtologııa ınstıtýtynyń dırektory bıologııa ǵylymdarynyń doktory, professor Aleksandr Kılchevskıı málimdedi, dep habarlaıdy InterNovostı.
Professordyń aıtýyna qaraǵanda, eki eldiń ǵylymı mekemeleri birqatar bıologııalyq joba ázirleýde. Sonyń ishinde bireýi adam genomıkasyna qatysty.
Portal málimetteri boıynsha, jobanyń negizinde adamnyń tuqym qýalaýshy aýrýlarǵa ıkemdiligin, genetıkalyq pasportyn jasap shyǵarý jatyr. Belarýs pen Qazaqstan bolashaq yntymaqtastyǵynyń kelesi qyry, Kılchevskııdiń sózine qaraǵanda, - «aýyl sharýashylyǵy maldarynyń sáıkestendirýshi DNK-pasporttaryn jasaý».
