Belarýspen aradaǵy áskerı bilim berý salasyndaǵy yntymaqtastyqty toqtatý týraly aqparatqa túsinikteme berildi

NUR-SULTAN. QazAqparat - Messendjerler men áleýmettik jelilerde Qazaqstan men Belarýs áskerı bilim berý salasyndaǵy ekijaqty yntymaqtastyqty toqtatatyny týraly qujattyń fotosýreti tarady. Bul aqparatty QR Qorǵanys mınıstrligi joqqa shyǵardy, dep habarlaıdy QazAqparat stopfake.kz-ke silteme jasap.

«Áleýmettik jeliler men messendjerlerde taralǵan Belarýs Respýblıkasymen áskerı bilim berý salasyndaǵy ekijaqty yntymaqtastyqty toqtatý týraly aqparat shyndyqqa janaspaıdy. Qazirgi ýaqytta atalǵan fakti boıynsha tekserý júrgizilýde, materıaldar AEK-te (aqparatty esepke alý kitabynda) tirkeldi», – dep habarlady vedomstvodan.

Sondaı-aq, Qorǵanys mınıstrligi tek resmı derekterge ǵana senýge jáne jalǵan aqparat taratpaýǵa shaqyrdy.