Belarýs otbasy Roza Baǵlanovanyń ánderi jazylǵan kóne dıskini saqtap kelgen
Qatysýshylar Roza Baǵlanovanyń «adam júregine qalaı tereń áser etip, janynyń názik pernesin qozǵaı alǵanyna» tańdandy.
«Qazaq pen belarýs halqy ár túrli, mádenıetimiz de uqsas emes. Degenmen, ortaq nárselerimiz de bar ekeni meni qatty tań qaldyrdy. Roza Baǵlanova - sonyń dáleli. Álemniń ondaǵan tilinde án aıtyp, ár túrli halyqqa olardyń ana tilinde sóıleýi - tek qazaqtyń ǵana emes, álemdik mádenıetti nasıhattaıtyn tulǵa bolǵanyn bildiredi», - dedi Belarýs memlekettik mýzyka akademııasynyń rektory Elena Kýrakına.
Shara barysynda ánshiniń suhbatyna negizdelgen «Ótkenniń nury» derekti fılmi kórsetildi, estelikterinen úzindiler keltirildi. Solardyń birinde halyq ártisi bylaı depti: «Sahna men úshin árqashan qýanyshqa toly boldy. Men sahnada baýyrymdy jáne jaqyn adamymdy qushaqtap, súıgendeı bolamyn. Men ony sońǵy demime deıin jaqsy kórýge jáne odan ataq, mansap nemese paıda izdemeýge ýáde berdim». Roza Tájibaıqyzy bul ustanymdy eshqashan ózgertpedi.
Basqosýǵa jergilikti turǵyn ánshiniń eń tanymal ánderi - «Samara-gorodok» pen Latıf Hamıdıdiń «Qazaq valsi» jazylǵan rarıtet dıskini alyp kelgen. Ol Roza Baǵlanovanyń mýzyka men adamdarǵa degen súıispenshilikke toly uly talantyn moıyndaýdyń aıǵaǵy retinde soǵystan keıingi jyldary jazylǵan bul dısk otbasylyq muraǵatta saqtalyp kelgenin aıtty.
Sondaı-aq, sharaǵa mýzykatanýshylar, ónertanýshylar jáne túrli memleketterdiń azamattary, onyń ishinde 1941 jylǵy maıdannan bastap, ótken ǵasyrdyń sońyna deıin sahnalarynda Roza Baǵlanova óner kórsetken elderdiń ókilderi qatysty.
Aıta ketsek, ıÝNESKO deńgeıinde toılanatyn tulǵalar tizimine engen dańqty ánshiniń 100 jyldyǵyna arnalǵan sharalar resmı túrde elordada bastalǵan bolatyn.
