Belarýs memleketinde ormanǵa barýǵa ýaqytsha tyıym salyndy
MINSK. BELTA-QazAqparat – Tyıym salý men shekteý sharalary Belarýstiń 36 aýdanynda qoıylǵan. Mundaı aqparat Orman sharýashylyǵy mınıstrligi saıtynda jarııalandy, dep habarlaıdy QazAqparat BELTA agenttigine silteme jasap.
Gomel oblysy Vetkov aýdanynda ýaqytsha ormanǵa barýǵa tyıym salyndy. Grodnensk oblysy, Mınsktiń 15 aýdany (Logoıskıı, Borısovskıı, Chervenskıı, Pýhovıchskıı, Kopylskıı, Mıadelskıı jáne Volojınskıı-den basqa), sonymen qatar Gomel oblysynyń Oktıabrskıı, Rechıtskıı jáne Mozyrskıı aýdandarynda ormanǵa barýǵa shekteý qoıyldy. Shekteý sharalary ýaqytsha jáne ormandaǵy órt qaýpi turaqtalǵannan keıin alynady.
Orman sharýashylyǵy mınıstrliginiń saıtynda tyıym men shekteýdiń ınteraktıvti kartasy jarııalandy. Sol arqyly qaı aýdandarda ormanǵa barýǵa ýaqytsha tyıym salynǵanyn jedel kórýge bolady. Ormanda órt qaýipsizdigi talaptaryn nemese shekteý erejelerin buzǵandar ákimshilik quqyqbuzýshylyq kodeksiniń 15-babyna sáıkes eskertý alady nemese 25 bazalyq kólem (1 BK - Br27) shamasynda aıyppul salynady.
