Belarýs koronavırýs vaktsınasyn ázirleýge kirispek

MINSK. BELTA-QazAqparat – Belarýs prezıdenti Aleksandr Lýkashenko koronavırýsqa qarsy otandyq vaktsınany óndirý týraly ókimge qol qoıdy, dep habarlaıdy QazAqparat BELTA agenttigine silteme jasap.

Qujat 2021-2023 jyldar aralyǵynda Densaýlyq saqtaý mınıstrligi men Ulttyq ǵylym akademııasynyń atalmysh vaktsınany jasaý boıynsha sharalar kesheniniń oryndalýyn kózdeıdi. Atap aıtqanda, vaktsına jasaý boıynsha jumys isteıtin oryndaýshy uıymdar belgilendi, jumystyń negizgi kezeńderi men qarajat kózi, klınıkaǵa deıingi synaqtyń ótkizilý merzimi anyqtaldy.

Ókimge saı, DSM-nyń ǵylymı uıymdary men UǴA vaktsına jasaýǵa qajet qural-jabdyqtar jáne quramdas ónimdermen qamtamasyz etiledi. UǴA-nyń Bıofızıka jáne jasýshalyq ınjenerııa ınstıtýty eksperımentaldy jáne qoldanbaly vırýsologııa ortalyǵyn jańǵartý qarastyrylǵan.