Belarýske Qazaqstannan zańsyz alkogol ónimderin jetkizetin jeliniń joly kesildi
ASTANA. QazAqparat - Belarýste Qazaqstannan alkogol ónimderin zańsyz jetkizýshilerdiń joly kesildi, dep habarlaıdy BELTA eldegi Memlekettik baqylaý komıtetine silteme jasap.
Belarýs ІІM arnaıy bólimshesi men qarjylyq tergeýler departamenti astanalyq bólimshesiniń qyzmetkerleri Belarýs jáne Qazaqstan azamattarynyń zańǵa qarsy áreketteriniń jolyn kesý operatsııasyn júrgizdi. Olar quqyqbuzýshylardy kelissóz júrgizý barysynda ustady. Zańsyz jetkizýshiler quny shamamen 6 myń dollar bolatyn 270 jáshik araq pen konıak satýǵa áreket etken.
Uıymdastyrýshylardyń jeke tabysy 2 myń dollardy qurar edi.
«Satyp alýshy (Belarýs azamaty) jáne eki satýshy (Qazaqstan azamattary) ustaldy. Alkogoldi ónimder men aqshalaı qarajat tárkilendi. Qazirgi ýaqytta taýardyń sapasy men qaýipsizdigi jóninde saraptama júrgizilýde», - dep atap ótti memlekettik baqylaý komıteti.
Bul ónimder kishigirim partııamen birneshe ret Belarýske zańsyz jetkizilgen. Sodan keıin taratýshylar arqyly Mınsk aýmaǵyna satylǵan.
