Belarýs-Qazaqstan Eýropa-2015 jastar chempıonatynyń matchyna kirý - tegin
ASTANA. 11 maýsym. QazAqparat - Búgin Belarýs jastar quramasynyń aıaq dopshylary Borısovta Eýropa-2015 chempıonaty irikteý týrnıriniń ekinshi matchyn ótkizedi.
Qazaqstan komandasymen bolatyn kezdesýge (bastalýy saǵat 18.00-de) kirý tegin bolady, dep habarlaıdy BELTA.
Birinshi oıynda ıslandııalyq fýtbolshylardan jeńilis tapqannan keıin (1:2) belarýstardyń bas bapkeri Alekseı Vergeenko óziniń shákirtterin qazaqstandyq fýtbolshylardan basym túsýge daıyndaýda.
Buǵan deıin belorýssııalyq qurama ıslandyq aıaqdopshylardan 1:2 esebimen utylǵan bolatyn.
Belarýs fýtbolshylary Qazaqstan quramasymen matchqa daıyndyqty 2 maýsym kúni «Mınsk» FK-nyń alańynda bastady. Onyń aldynda qazaqstandyq jastar Tallında estondyq úzeńgilesterimen sheberlikterin synap, kezdesý 1:1 esebimen aıaqtalǵan bolatyn.
