Belarýs Q.Bákıevti Qyrǵyzstannyń ýaqytsha úkimetine bermeıdi
ASTANA. Maýsymnyń 23-i. QazAqparat - Belarýs Respýblıkasy ortalyqazııalyq respýblıkanyń burynǵy prezıdenti Qurmanbek Bákıevti Qyrǵyzstanǵa berýden bas tartty. BR Bas prokýrory Grıgorıı Vasılevıch óz sheshimin qyrǵyzdyń burynǵy kóshbasshysyn ekstradıtsııalaýǵa «quqyqtyq negizdiń» joq degen ýáj aıtty, dep habarlaıdy RBK.
Buǵan deıin Belarýs Prezıdenti Aleksandr Lýkashenko Qyrǵyzstannyń ýaqytsha úkimetiniń Q.Bákıevti ekstradıtsııalaý týraly suraýy eldiń jańa bıligi úshin «paıdasyz jáne qorlaý» degen edi.
Eske sala keteıik, Q.Bákıev Bishkek qalasynda sáýirdiń 7-sinde oryn alǵan oqıǵalar kezinde jappaı adam óltirýdi uıymdastyrǵan dep aıyptalýda. Sondaı-aq, burynǵy prezıdentti qyzmettik ókilettiligin asyra paıdalanǵan degen de aıyp taǵylýda.
Atap óterlik jaıt, Qyrǵyzstan men Belarýs arasynda qylmyskerlerdi ekstradıtsııalaý týraly Mınsk kelisimi qoldanysta júr. Q.Bákıevti ekstradıtsııalaý týraly dekret sáýirdiń 27-sinde qabyldanyp, oǵan úkimet basshysy Roza Otýnbaeva qol qoıǵan edi. Osyǵan qaramastan, A.Lýkashenko Q.Bákıevti «Belorýs memleketi men prezıdentiniń qorǵaýynda» dep jarııa etken edi.
