Belarýs ǵalymdary adamnyń genetıkalyq pasportyn usyndy
ASTANA. QazAqparat - Ózdiginen basqarylatyn ushaqtar, adamnyń genetıkalyq pasporty jáne keleshektiń taǵamy. Munyń bári Belarýs ǵylymynyń jemisi retinde Mınskide ashylǵan kórme aıasynda usynyldy, dep habarlady www.24.kz.
58 ınstıtýt pen Ulttyq ǵylym akademııasynyń ǵalymdary oılap tapqan 500-ge jýyq ınnovatsııalyq joba Belarýs eline ǵana emes, jahandyq ǵylymǵa qosylǵan úles deýge laıyq. Atap aıtqanda, ǵaryshtyq zertteý, ózdiginen basqarylatyn avıatsııa jáne nanomaterıaldar, kartop, bıdaı, sút ónimderiniń jańa túrleri kórmege kelgenderdiń qyzyǵýshylyǵyn oıatty. Al eldiń Ulttyq ǵylymı akademııasy adamnyń genetıkalyq pasportyn usyndy. Oǵan qazirdiń ózinde kez kelgen belarýs azamaty tapsyrys bere alady. Al kórmege jol tartqan ózge ǵylymı jańalyqtardy ǵalymdar ózderinde ǵana emes, kórshi elderde de qoldanysqa engizýdi kózdep otyr. "Bul kórmege biz ónerkásip, óndiristegi áriptesterimizdi qyzyqtyrýy múmkin degen jobalardy ǵana ákeldik. Búgingi qoǵamda jańalyqtardy ashyp, kórsetip qana qoımaı, kommertsııamen ushtastyra bilý kerek", - dedi Belarýs Respýblıkasy UǴA Prezıdıým tóraǵasynyń orynbasary, akademık Sergeı Kılın.
Foto:vseodetyah.com
