Belarýs Eýrazııa ekonomıkalyq odaǵyna tóraǵalyq ete bastady

NUR-SULTAN. QazAqparat - Belarýs 2020 jyldyń 1 qańtarynan bastap Eýrazııa ekonomıkalyq odaǵy organdaryna - Joǵary Eýrazııalyq ekonomıkalyq keńeske, Eýrazııalyq úkimetaralyq keńeske jáne Eýrazııalyq ekonomıkalyq komıssııa Keńesine tóraǵalyq ete bastaıdy, dep habarlaıdy QazAqparat BelTA portalyna silteme jasap.

Aqpan aıynan bastap Eýrazııalyq ekonomıkalyq keńes tóraǵasy laýazymyn Belarýs tarapynyń ókili Mıhaıl Mıasnıkovıch bolady. Aldyńǵy jyldary ol ártúrli memlekettik qyzmetterdi, atap aıtqanda Ulttyq otyrys Keńesiniń tóraǵasy, premer-mınıstr, Prezıdent ákimshiliginiń basshysy jáne Ulttyq ǵylym akademııasynyń jetekshisi qyzmetterin atqardy.

Mıhaıl Mıasnıkovıchtiń kandıdatýrasy 20 jeltoqsanda Sankt-Peterbýrgte Joǵary Eýrazııalyq ekonomıkalyq Keńeste maquldandy. Ol óziniń basty mindeti - barlyq qujat pen EAEO basshylarynyń saıası erik-jigerin júzege asyrý dep atady.

«Ózara qabyldaǵan sheshimderdi pysyqtaý úshin kóptegen qajetti, josparly jumystar bolatynyn jaqsy túsinemin. Meniń bilimim men tájirıbem muny júzege asyrýǵa kómektesedi dep oılaımyn», - dedi Mıhaıl Mıasnıkovıch Sankt-Peterbýrgte.

Belarýs ókili EAEO elderiniń birqatar sheneýnikterimen jeke kezdesip, strategııalyq máselelerdi talqylaýǵa ýáde berdi.

«Meniń oıymsha, negizgi bazany qurǵan jalpy ınfraqurylymdyq jobalardy qurý týraly (EAEO elderiniń qarym-qatynasy - BELTA túsindirmesi) máselelerde, bizdiń memleketterimizdiń ekonomıkasy úshin birdeı bolýy kerek tehnıkalyq retteýmen baılanysty jobalardy qurýda aıtarlyqtaı ilgerileýimiz kerek», - deıdi ol.

Sonymen qatar, 2020 jyly Belarýs Táýelsiz Memleketter Dostastyǵyna teń tóraǵalyq etpek. TMD-daǵy tóraǵalyq Ózbekstanǵa ótti jáne Túrkimenstan kezekti teń tóraǵasy boldy.