Belarýs eline munaı satý Qazaqstanǵa sanktsııalyq kedergiler týyndatpaıdy – Nurlan Noǵaev

NUR-SULTAN. QazAqparat – Energetıka mınıstri Nurlan Noǵaev Belarýs Respýblıkasyna munaı eksporttaý týraly kelisimniń qashan ratıfıkatsııalanatynyn aıtty, dep habarlaıdy QazAqparat.

«Jýyqta Belarýs Respýblıkasynyń Premer-Mınıstriniń Qazaqstanǵa jasaǵan sapary kezinde Belarýske munaı jetkizý týraly kelisimge qol qoıyldy. Endi bizge osy kelisimdi ratıfıkatsııalaý kerek. Parlament ratıfıkatsııalaǵannan keıin ındıkatıvti jospar men jetkizilýi múmkin taýarlardyń tizbesin jasaımyz. Belarýs Respýblıkasyna tasymaldanatyn munaı ónimderiniń túrleri men kólemi osy jospardy daıyndaý kezinde talqylanady. Búgin ǵana Parlamenttiń jetinshi sessııasy jabyldy. Parlament kúzde jandandyrady. Sol kezde osy qujatty ratıfıkatsııalaýǵa engizemiz», - dedi Nurlan Noǵaev eld aldyndaǵy eseptik kezdesýin qorytyndylaǵan brıfıngide.

Sondaı-aq, ol atalmysh kelisimniń Qazaqstanǵa sanktsııalyq qaýpi joq ekenin aıtty.

«Birinshiden, biz atalǵan kelisimdi ratıfıkatsııalaýymyz kerek. Men sanktsııalyq máselelerdiń bul bóligi Qazaqstanǵa ulasady dep oılamaımyn», - dedi vedomstvo basshysy.