Belarýs eline Kýba delegatsııasy keledi - BR SІM
MINSK. 18 aqpan. QazAqparat /Aıtýar Mamlın/ - Kýbanyń Syrtqy ister mınıstri Brýno Rodrıgesom Parrıleı bastaǵan kýbalyq resmı delegatsııa Belarýs Respýblıkasyna sapar jasaıdy.
Bul týraly beısenbi kúni ótken brıfıng barysynda Belarýs Syrtqy ister mınıstrliginiń baspasóz hatshysy Andreı Savınyh málim etti.
2011 jyldyń 21-23 aqpan kúnderine josparlanyp otyrǵan sapar barysynda kýbalyq delegatsııa basshysyn Belarýs Respýblıkasynyń Prezıdenti Aleksandr Lýkashenko qabyldaıdy dep kútilýde. Belarýs Ulttyq jınalys ókilderi palatasynyń tóraǵasy Vladımır Andreıchenkomen bolatyn kezdesý barysynda taraptar Belarýs-Kýba parlamentaralyq yntymaqtastyǵynyń qazirgi jaǵdaıy men bolashaǵyn talqylaıtyn bolady.
Syrtqy ister mınıstrliginde eki eldiń syrtqy saıası vedomstvo basshylary ózara múddege ıe saıası jáne saýda-ekonomıkalyq ózara is-qımyl jasaý máseleleriniń barlyq túrleri boıynsha birlesken keńester ótkizedi.
Kýba Belarýstiń Latyn Amerıkadaǵy mańyzdy saýda áriptesi bolyp tabylatyndyǵyn aıta ketken jón.
