Belarýs elinde ólim jazasyn alyp tastaý máselesi talqyǵa tústi
ASTANA. QazAqparat - Belarýs elinde ólim jazasyn alyp tastaý máselesi qaıta jańǵyrdy, dep jazady 24.kz.
Esterińizde bolsa, 15 aqpanda Eýroodaq Belarýs memleketine qatysty sanktsııalardyń bárine shekteý qoıǵan edi. Jańa talap boıynsha endi olar ólim jazasyna moratorıı jarııalaýy tıis. Biraq el bıligi sheshim qabyldaýǵa asyǵar emes. Endi ol másele referendým arqyly sheshilýi múmkin degen de boljam bar.
1990 jyldan beri bul memlekette 400-den astam adam ólim jazasyna kesilgen. Qazir dál osyndaı úkimdi 4 tutqyn kútip otyr.
«Qoǵamda bul másele qazir eń jıi talqylanatyn taqyrypqa aınalǵan. Eýropa tarapy óz talabyn aıtty. Degenmen, núkteni qoıatyn halyq. Ólim jazasyn qaldyramyz ba, álde moratorıı jarııalaımyz ba? Pikirler ekige jarylary sózsiz. Biz, saıasatkerlerdiń de, halyqtyń da pikirine qulaq asyp, tarazylaýǵa tıispiz», - deıdi Belarýs Respýblıkasy Syrtqy ister mınıstriniń orynbasary Valentın Rybakov.
