Belarýs elinde Keden odaǵynyń kelisimsharttyq-quqyqtyq bazasyn jasaý úshin barlyq sharalar qabyldandy

Bul týraly Belarýs Respýblıkasy Ulttyq Jınalysynyń Ekonomıka, bıýdjet jáne qarjy jónindegi keńesiniń Turaqty komıssııa tóraǵasy Vadım Popov seısenbi kúni Máskeýde reseılik parlamenttiń joǵary palatasynda «Keden odaǵy: quqyqtyq qamtamasyz etý jáne damý joldary» degen taqyrypta ótken «dóńgelek ústel» otyrysynda málim etti, dep habarlady BELTA agenttigi.

Vadım Popov, Belarýs elinde Keden Odaǵynyń Kedendik kodeksi týraly kelisimshartty ratıfıkatsııalaýdyń alǵysharty bolyp tabylatyn barlyq derlik memlekettik protsedýralardyń júzege asyrylǵanyn atap kórsetti. Onyń aıtýynsha, qazirdiń ózinde 23 halyqaralyq kelisim kúshine endi, 17 kelisimge qatysty memleketishilik protsedýralar atqarylýda, taǵy 11 qujat úkimettiń qaraýyna engizildi.

«Belarýs Respýblıkasy Keden odaǵynyń normatıvtik quqyqtyq bazasyn jasaýdy tejep otyr deýshi buqaralyq aqparat quraldaryna osyndaı jaýap bergim keledi. Olardyń jazyp júrgenderi shyndyqqa saı kelmeıdi», dep atap kórsetti Vadım Popov óz sózinde.