Belarýs eli munaı qubyrlaryn satý boıynsha kelissózder júrgizip jatyr
ASTANA. 18 aqpan. QazAqparat - Belarýs eli óziniń munaı qubyrlaryn satý boıynsha kelissózder júrgizip jatyr, dep habarlady jýrnalısterge respýblıka úkimetiniń birinshi premer-mınıstri Vladımır Semashko.
Bul rette yqtımal jańa ıelenýshiler arasynda tek reseılik satyp alýshylardan basqalar da bolýy múmkin, dep naqtylady ol. Bul týraly RBK habarlaıdy.
«Túrli kelissózder ótip jatyr. Túrli oılar bar, tek reseılik emes, ár túrli satyp alýshylar bolatyny sózsiz. Alaıda bul másele boıynsha kúrdeli pysyqtaý bolmaı jatyr. Degenmen bul ýaqyt enshisinde dep oılaımyn», - dep atap ótti belorýs vıtse-premeri.
V.Semashko belorýs munaı qubyrlary jańa emes ekendigin atap ótti. Budan basqa, «BTS, BTS-2 bar» ekenin eskerý qajet. Atap aıtqanda, birinshi premer-mınıstrdiń aıtýynsha, qýattylyǵy jylyna 37 mln. tonna bolǵan "Novopolotskaıa "Drýjba" munaı qubyry 2008 jyldan bastap is júzinde jumys istemeıdi. Ol «Naftan» AAQ-ǵa munaı jiberý úshin ǵana qoldanylyp otyr.
Belarýs bıligi munaı tasymaly kásiporyndaryn jekeshelendirýge daıyndap jatqanyna birneshe jyl boldy, biraq strategııalyq aktıvtiń shamalanǵan baǵasy da ázirshe aıtylǵan joq.
