Belarýs EAEO-dan tys aýmaqqa iri qara terisin shyǵarýǵa ýaqytsha tyıym saldy

ASTANA. QazAqparat -  Mınıstrler keńesiniń 2017 jylǵy 2 mamyrdaǵy №326 qaýlysymen 2017 jylǵy 10 mamyr - 10 qarasha aralyǵynda Belarýsten Eýrazııalyq ekonomıkalyq odaqtan tys jerlerge iri qara maldyń óńdelmegen terisin shyǵarýǵa ýaqytsha tyıym  engizildi, dep habarlady BELTA. 

Qujatta «2017 jylǵy 10 mamyr - 10 qarasha aralyǵynda Belarýsten EAEO keden aýmaǵynan tys jerlerge iri qara maldyń óńdelmegen terisin shyǵarýǵa ýaqytsha tyıym salynady» delingen.

Qujat «Syrtqy saýda qyzmetin memlekettik retteý týraly»  №124 jarlyq jáne Eýrazııalyq ekonomıkalyq odaq týraly shart negizinde qabyldandy.