Belarýs depýtattary Keden odaǵynyń kelisimderine usynylǵan túzetýlerdi bekitti
ASTANA. Qazannyń 4-i. QazAqparat - Belarýs Respýblıkasynyń Ulttyq jınalysy Ókilder palatasynyń depýtattary búgin,
altyn sessııanyń birinshi otyrysynda Keden odaǵynyń ósimdikter karantıni týraly jáne veterınarlyq-sanıtarlyq sharalar týraly kelisimderine túzetýler engizý týraly hattamalardy bekitti, dep habarlady BELTA agenttigi.
Belarýs Respýblıkasynyń aýyl sharýashylyǵy jáne azyq-túlik mınıstri Mıhaıl Rýsyıdyń habarlaýynsha, atalmysh hattamalar, Keden odaǵy elderiniń aýmaqtarynda karantınge jatatyn ónimderdiń ákeliný sharttaryn anyqtaıtyn qujat retinde ımporttyq karantındik ruqsatnamany resimdeýdi alyp tastaýdy qarastyrady. Onyń ornyna taraptar, syrttan ákelinetin jáne karantınge jatatyn ónimderge qoıylatyn fıtosanıtarlyq talaptar týraly resmı aqparattardy ýákiletti memlekettik organdardyń resmı saıttary men basqa da aqparattyq júıelerge ornalastyrýlary kerek.
Hattama sharttary boıynsha, veterınalyq qyzmetterdiń baqylaýyna jatatyn taýarlardy shyǵaratyn, óndiretin jáne saqtaıtyn uıymdar men tulǵalardy birlesip tekserýdiń múmkindikterin naqtylaý josparlanyp otyr.
Mıhaıl Rýsyı myrza sondaı-aq Keden odaǵy kelisimderin bekitýdiń arqasynda «úshtik» elderinde aýyl sharýashylyǵy ónimderi aınalymynyń sharttary birshama ońtaılanady, sebebi ondaı ónimderdiń ákeliný-áketilýine qajetti qujattar azaıady, dep sanaıdy.
