Belarýs depýtattary Abhazııa men Ońtústik Osetııany taný máselelerin qaraıdy
ASTANA. Qarashanyń 5-i. QazAqparat - Belarýs Respýblıkasynyń Parlamenti aldaǵy kúnderi Abhazııa men Ońtústik Osetııanyń táýelsizdikterin taný týraly máseleni qaraıdy.
Bul týraly sársenbi kúni Mınskide jýrnalısterge Belarýs prezıdenti ákimshiliginiń basshysy Vladımır Makeı habarlady. Onyń aıtýynsha, másele aǵymdaǵy aptada parlament májilisiniń kún tártibine engizilýi múmkin.
Makeı, depýtattardyń sheshim qabyldaýda azamattardyń pikirlerine súıenetinin aıta kelip, «bul másele boıynsha halyq pikiriniń birkelki emes ekenin» atap kórsetti.
Abhazııa men Ońtústik Osetııanyń táýelsizdigin ázirge tek Reseı, Venesýela jáne Nıkaragýa elderi tanyp otyr, dep habarlaıdy «Azattyq» radıosy.
